####TNPSC CURRENT AFFAIRS -2018 | 2018-ல் இந்தியாவின் சாதனைகள்...!!

2018-ல் இந்தியாவின் அளப்பரிய சாதனைகள் !!!

###TNPSC CURRENT AFFAIRS -2018

2018-ல் இந்தியாவின் சாதனைகள்...!!

இந்த 2018ஆம் ஆண்டில் நமது இந்தியா நிகழ்த்திய சாதனைகள் எண்ணற்றவை, இவை வரலாற்றில் முக்கிய இடம் பிடித்துள்ளது. அத்தகைய அளப்பரிய சாதனைகள் என்னவென்று தெரிந்துகொள்வோம்....!

ஒவ்வொரு ஆண்டும் மனிதராலும் இயற்கை நிகழ்வுகளாலும் ஏற்படுத்தப்படும் உலகளாவிய சாதனைகளை தொகுத்து வழங்கும் உசாத்துணை புத்தகமாகும். கின்னஸ் என்பது ஓர; உயரிய அங்கீகாரம். சாகசம் புரிபவர;களுக்கு கிடைக்கும் கௌரவம்.

தமிழ்நாடு

அமெரிக்காவில் நடைபெற்ற உலக அளவிலான யோகாசனப் போட்டியில், சீர்காழி மாணவி சுபானு முதலிடம் பிடித்து சாதனை படைத்துள்ளார். 

இமய மலைப்பகுதிகளில் மட்டும் விளையக்கூடிய மருத்துவ மகத்துவம் நிறைந்த குங்குமப்பு+வை, வரலாற்றின் முதன் முதலாக, கொடைக்கானல் மலைப்பகுதியில் விளைவித்து மூர்த்தி என்ற விவசாயி சாதனை புரிந்துள்ளார்.

உலகிலேயே மிகவும் எடை (33 புள்ளி 39 கிராம்) குறைந்த செயற்கைக்கோளை சென்னையைச் சார்ந்த ஹரிகிருஷ்ணன், அமர்நாத், கிரிபிரசாத், சுதி ஆகிய மாணவர்கள் உருவாக்கி சாதனை படைத்துள்ளனர். 

சர்வதேச யோகா தினத்தையொட்டி நெல்லையில் 4ம் வகுப்பு மாணவி தண்ணீருக்குள் 8 விதமான யோகாசனம் செய்து உலக சாதனை படைத்துள்ளார்.

மதுரையை சேர்ந்த இளம் விஞ்ஞானியான, முருகன் என்ற இளைஞர், தண்ணீரில் இயங்கக்கூடிய பைக்கை கண்டுபிடித்து சாதனை படைத்துள்ளார். 

யோகாவில் பதினான்கு உலக சாதனைகளை படைத்துள்ள, ஒன்பதே வயதான நெல்லையைச் சேர்ந்த, பிரிஷாவுக்கு, 2019 ஜனவரி 26ஆம் தேதி அன்று கௌரவ டாக்டர் பட்டம் வழங்கப்படவுள்ளது.

 சிக்கிம்

இயற்கை விவசாயத்தில் முன்னோடியாக உலகின் முதல் மாநிலமாக திகழும் சிக்கிமுக்கு ஐ.நா. விருது அறிவித்து கௌரவித்துள்ளது. 

ஜம்மு & காஷ்மீர்

53 வயதான, முன்னாள் அழகி மற்றும் தொழிற்முனைவோரான, ஜம்மு காஷ்மீர் மாநிலத்தைச் சேர்ந்த சங்கீதா பாகல் எவரெஸ்ட் சிகரத்தின் மீது ஏறிய வயதான இந்திய பெண் என்ற பெருமையைப் பெற்றுள்ளார்.

ஜம்மு - காஷ்மீர் மாநிலத்தில், மூன்றாம் வகுப்பு படிக்கும் மாணவன், முஸாபர் அஹமது கான், எழுதும்போது, வார்த்தைகளை கணக்கிடும் அதிசய பேனாவை கண்டுபிடித்துள்ளான். இந்த பேனா கணக்கிடும் வார்த்தைகளின் எண்ணிக்கை, அதனுடன் இணைக்கப்பட்டு உள்ள சிறிய, எல்.சி.டி., மானிட்டரில் தெரியும்; மொபைல் போனில், தகவலாகவும் தோன்றும். 

புதுச்சேரி

தட்பவெப்பநிலைக்கேற்ப ராணுவ வீரர்களின் உடல் வெப்பநிலையை சீராக வைக்க உதவும் பிரத்யேக உடையை புதுச்சேரியைச் சேர்ந்த 9-ஆம் வகுப்பு மாணவி தேவசேனா வடிவமைத்து சாதனை புரிந்துள்ளார். 

ஹரியானா

ஆப்ரிக்காவின் உயர்ந்த மலை சிகரமான கிளிமாஞ்சாரோவில் மூன்று நாட்களில் ஏறி, ஹரியானா மாநிலத்தைச் சேர்ந்த 17 வயது மாணவி சிவாங்கி பதக் புதிய சாதனை படைத்துள்ளார். 

மத்தியப்பிரதேசம்

மத்தியப்பிரதேசம் மாநிலத்தைச் சேர்ந்த சதேந்திர சிங் என்பவர் கால்கள் செயலிழந்த நிலையிலும், ஆங்கிலக் கால்வாயை நீச்சல் அடித்து கடந்து சாதனைப் படைத்துள்ளார். 

ராஜஸ்தான்

உலக யோகா தினத்தை (ஜூன் 21) முன்னிட்டு, ராஜஸ்தானில் நடந்த யோகா நிகழ்ச்சியில் சுமார் 1.05 லட்சம் பேர் இணைந்து, யோகா செய்து கின்னஸ் சாதனை படைத்துள்ளனர். 

உத்தரகாண்ட்

உத்தரகாண்ட் மாநிலத்தைச் சேர்ந்த பிரகாஷ் சந்திரா உபாத்யே, உலகில் மிகச்சிறிய பென்சிலை உருவாக்கி சாதனை புரிந்துள்ளார். இது 5 மி.மீ நீளமும், 0.5 மி.மீ அகலமும் கொண்டது.

இதுபோன்ற மேலும் தகவல்களைப் பெற கீழ்க்கண்ட லிங்கை கிளிக் செய்யுங்கள். 

அரசு அதிகாரியாக  வாழ்த்துக்கள்!...

www.kavimalaravan.blogspot.com