###TNPSC CURRENT AFFAIRS-2018|இந்திய அரசியல் ஒரு பார்வை - 2018

2018 அரசியலில் நடந்த மாற்றங்கள்... மாற்றத்தை தருமா?

###TNPSC CURRENT AFFAIRS-2018|இந்திய அரசியல் ஒரு பார்வை - 2018

ஆர்ப்பாட்டங்கள் இருந்தால்தான் அது அரசியல். நாம் என்னதான் வேலையில் பரபரப்பாக சுழன்று கொண்டிருந்தாலும் அரசியல் பற்றிய செய்திகளையோ, விவாதங்களையோ படிக்கவோ, பார்க்கவோ விரும்புவோம்.

இந்த 2018ல் அரசியலில் நிகழ்ந்த மாற்றங்கள் என்னென்ன? வாங்க தெரிந்து கொள்வோம்.

மக்கள் நீதி மய்யம்

பிப்ரவரி 21, 2018ல் மதுரை ஒத்தக்கடை மைதானத்தில் நிகழ்ந்த பொதுக்கூட்டத்தில் கமல் தம் கட்சிப் பெயர் மற்றும் கொடியை ஏற்றி வைத்தார். இந்தப் பொதுக்கூட்டத்தில், டில்லி முதல்வர் அரவிந்த் கெஜ்ரிவால், டெல்லி சட்டமன்ற உறுப்பினரும், முன்னாள் அமைச்சருமான சோம்நாத் பாரதி மற்றும் விவசாயிகள் சங்க ஒருங்கிணைப்பாளர் பி.ஆர்.பாண்டியன் ஆகியோர் பங்கேற்றனர்.

டி.டி.வி.தினகரன் 

மார்ச் 15ஆம் தேதி அன்று ஆர்.கே.நகர் எம்.எல்.ஏ., டி.டி.வி தினகரன் அம்மா மக்கள் முன்னேற்றக் கழகம் என்னும் புதிய அரசியல் கட்சியை தொடங்கினார்.

கர்நாடகம்

மே 17, 2018 அன்று கர்நாடகாவில் நடந்த சட்டமன்ற தேர்தலில் எந்த கட்சிக்கும் பெரும்பான்மை இல்லாத சு+ழ்நிலையில், அதிக தொகுதிகளில் வெற்றி பெற்ற கட்சி என்ற அடிப்படையில் பாஜகவை சேர்ந்த எடியு+ரப்பா முதல்வராக பதவியேற்றார். நம்பிக்கை வாக்கெடுப்பு நடைபெறுவதற்கு முன்னர் எடியு+ரப்பா தனது பதவியை சட்டசபையில் ராஜினாமா செய்தார். இதனால் மே 21, 2018 அன்று குமாரசாமி கர்நாடக முதல்வராக பதவியேற்றார்.

பிரதமர் வாஜ்பாய் மறைவு

ஆகஸ்ட் 16ஆம் தேதி பாரதிய ஜனதா கட்சியின் முன்னாள் பிரதமர் வாஜ்பாய் டெல்லி எய்ம்ஸ் மருத்துவமனையில் உடல்நலக்குறைவால் காலமானார். அப்போது வாஜ்பாய் மறைவுக்கு 7 நாள் துக்கம் அனுசரிக்கப்படும் என மத்திய அரசு அறிவித்தது.

மு.கருணாநிதி

ஆகஸ்ட் 07, 2018-ல் திராவிட முன்னேற்ற கழகத்தின் தலைவரும், தமிழக முன்னாள் முதல்வருமான மு.கருணாநிதி சென்னையில் காலமானார். தமிழுக்கு செம்மொழி அந்தஸ்து பெற்று தந்த பேரறிஞர் இவர்.திராவிட முன்னேற்றக் கழகம் (திமுக) ஆகஸ்ட் 28ஆம் தேதி திராவிட முன்னேற்றக் கழகத்தின் முன்னாள் தலைவர் கருணாநிதி மறைவிற்கு பின் அவரின் மகனான மு.க.ஸ்டாலின் தி.மு.க தலைவராக பதவியேற்றார்.

18 எம்.எல்.ஏ.-க்கள் தகுதி நீக்க வழக்கில் தீர்ப்பு

அக்டோபர் 25, 2018 அன்று அ.தி.மு.க-வில் இருந்து தகுதி நீக்கம் செய்யப்பட்ட 18 எம்.எல்.ஏ.க்களின், தகுதி நீக்க வழக்கில் சென்னை உயர்நீதிமன்றம் தீர்ப்பு வழங்கியது. நீதிபதி எம்.சத்தியநாராயணன் 18 எம்.எல்.ஏ.க்கள் தகுதி நீக்கம் சரிதான் என உத்தரவு பிறப்பித்தார்.

2018-ல் அரசியலில் நடந்த அதிரடி மாற்றங்களை நாளை பார்க்கலாம்..!!