CCSE IV தேர்வில் வெற்றி பெற உதவும் பொது அறிவு குறிப்புகள்!! அறிவியல் பாடப்பகுதி |##இரத்தம் பற்றிய குறிப்புகள்

CCSE IV தேர்வில் வெற்றி பெற உதவும் பொது அறிவு குறிப்புகள்!!

அறிவியல் பாடப்பகுதி

இரத்தம் பற்றிய குறிப்புகள்!!!!

➤வில்லியம் ஹhர்வி (1628 ஆம் ஆண்டு) என்ற ஆங்கிலேய மருத்துவர் மனிதனில் இரத்தச் சுழற்சியைக் கண்டறிந்தார். மேலும் இரத்தத்தின் பண்புகளையும் இதயச் செயல்கள் பற்றியும் விளக்கியுள்ளார்.

இரத்தக்குழாய்கள்

➤தமனிகள், தந்துகிகள் மற்றும் சிரைகள் என மூவகை இரத்தக் குழாய்கள் உள்ளன.

தமனிகள்

➤தமனிகள் இதயத்திலிருந்து சுத்திகரிக்கப்பட்ட இரத்தத்தை எடுத்துச் செல்பவை. ஆனால் இதற்கு விதிவிலக்காக, நுரையீரல் தமனி மட்டும் சுத்திகரிக்கப்படாத இரத்தத்தை, சுத்திகரிக்கப்பதற்காக இதயத்திலிருந்து நுரையீரல்களுக்கு எடுத்துச் செல்லும்.

தந்துகிகள்

➤இவை சிறிய இரத்தக் குழாய்களாகும். தந்துகிகள் திசுக்களைச் சுற்றி வலை போன்று பின்னிப் படர்ந்து, திசுக்களுக்கு இரத்தத்தில் இருந்து பொருள்களை வழங்குகின்றன.

சிரைகள்

➤தந்துகிகள் மீண்டும் இணைந்து வென்யு+ல்களாகமாறி (நுண் சிரைகள்) அவை திசுக்களிலிருந்து சுத்திகரிக்கப்படாத இரத்தத்தை எடுத்து வருகின்றன.

➤வென்யு+ல்கள் (நுண்சிரைகள்) இணைந்து சிரைகளாக மாறுகின்றன. சிரைகள் மேலும் கீழ்பெருஞ்சிரையாகவும், மேற்பெருஞ்சிரையாகவும் மாறி, இரத்தத்தைச் சேகரித்து இதயத்தினுள் சேர்க்கிறது.

இரத்தம்

➤உடலின் பெரும்பான்மையான பணிகள் எல்லாவற்றிலும் இரத்தம் முக்கியப் பங்கேற்கின்றது.

➤இரத்தம் திரவ நிலையிலுள்ள இணைப்புத் திசுவாகும். இரத்தத்தில் பிளாஸ்மா எனும் திரவப் பகுதியும் செல்களும் உண்டு.

பிளாஸ்மா

➤இரத்தத்தில் உள்ள திரவப் பொருளான பிளாஸ்மா, நீர், கனிம மற்றும் கரிம ஆக்கக் கூறுகளைக் கொண்டுள்ளன.

➤பிளாஸ்மா புரோட்டீன் என்பது பிளாஸ்மாவின் முக்கியப் கனிம கூறாகும். அவற்றுள் குளோபுலின், நோய் எதிர்ப்பாற்றலுக்கு இன்றியமையாதது.

➤இரத்தம் உறைதலில் ஃபைபிரினோஜன் முக்கியப் பங்கு வகிக்கின்றது. ஆல்புமின் நீர்ச் சமநிலையைச் சீராக்குகின்றது.

இரத்தச்செல்கள்

➤மூன்று வகையான இரத்தச்செல்கள் பிளாஸ்மாவில் உள்ளன.

➤அவை:

இரத்தச் சிவப்பணுக்கள், இரத்த வெள்ளையணுக்கள் மற்றும் இரத்தத் தட்டைச் செல்கள்.

இரத்தச் சிவப்பணுக்கள் (எரித்ரோசைட்டுகள்)

➤இவை வட்டவடிவ, இருபக்கமும் உட்குழிந்த மற்றும் தட்டு வடிவச் செல்களாகும். முதலில் உருவாகும் போது உட்கருக்களோடு தோன்றும் இச்செல்கள் பின்னர் உட்கருக்களை இழக்கின்றன.

➤இரத்தத்திற்குச் சிவப்பு நிறத்தையளிக்கும் ஹீமோகுளோபினைப் பெற்றிருக்கின்றன. ஹீமோகுளோபின் என்னும் சுவாச நிறமி ஆக்ஸிஜன்மீது அதிக நாட்டம் உடையது, சுவாசித்தலில் முக்கியப் பங்கு கொள்கின்றது.

➤ஆண்களின் இரத்தத்தில் ஒவ்வொரு கன மில்லிமீட்டர் இரத்தத்திலும் ஏறக்குறைய 5.2 மில்லியன் சிவப்பணுக்கள் உண்டு. (அளவீடு 4.2-5.8 மில்லியன்) பெண்களின் இரத்தத்தில் ஒரு கன மில்லி மீட்டர் இரத்தத்தில் 4.5 மில்லியன் சிவப்பணுக்கள் (அளவீடு 3.3-5.2 மில்லியன்) அமைந்திருக்கும்.

➤எலும்பு மச்சையில் இவை உற்பத்தியாகின்றன. இவை குருதியில் 100-120 நாட்கள் இருந்து, பின்னர் முதிர்வடைந்த சிவப்பணுக்கள் கல்லீரல், மண்ணீரலில் அழிக்கப்படுகின்றன.

நாளை இதன் தொடர்ச்சியினை காணலாம்.