TNPSC CCSE-IV தேர்வுக்கு பயிற்சி செய்ய முக்கிய பொது அறிவு குறிப்புகள்..! பொது அறிவு - ஒளியியல் - பகுதி-2 பன்முகப் பிம்பங்கள் :

TNPSC CCSE-IV தேர்வுக்கு பயிற்சி செய்ய முக்கிய பொது அறிவு குறிப்புகள்..!

பொது அறிவு - ஒளியியல் - பகுதி-2

பன்முகப் பிம்பங்கள் :

🌟 ஒரு சமதள ஆடியானது ஒரு பொருளுக்கு ஒரேயொரு பிம்பத்தைத் தான் தோற்றுவிக்கும்.

🌟 ஆனால் ஒன்றிற்கு மேற்பட்ட சமதளஆடிகளைத் தகுந்த கோணத்தில் அமைத்தால், அவை ஒரு பொருளுக்குப் பல பிம்பங்களைத் தோற்றுவிக்கும். இவையே பன்முகப் பிம்பங்கள் எனப்படும்.

🌟 பிம்பங்களின் எண்ணிக்கைக்கும் கோணத்திற்கும் இடையே உள்ள தொடர்பு

பிம்பங்களின் எண்ணிக்கை = 360° / கோணம்

🌟 கண்ணாடிகளை ஒன்றுக்கொன்று இணையாக இருக்கும்படி அமைத்தால் மிக அதிக எண்ணிக்கையில் பிம்பங்கள் தோன்றுவதை அறியலாம்.

🌟 பெரிஸ்கோப், கலைடாஸ்கோப் போன்றவற்றில் பன்முக எதிரொளிப்பு என்ற தத்துவமே பயன்படுத்தப்படுகிறது. பெரிஸ்கோப் இரு சமதள ஆடிகளால் தொடர்ந்து எதிரொளிப்பு அடைவதே இதன் தத்துவமாகும்.

ஒளி விலகல் :

🌟 ஒளிவிலகல் திசை ஊடகங்களின் அடர்த்தியைப் பொறுத்தது. அடர்மிகு ஊடகமானது (எ.கா.கண்ணாடி) அதிக அடர்த்தியையும் அடர்குறை ஊடகம் (எ.கா.காற்று) குறைந்த அடர்த்தியையும் கொண்டுள்ளது.

🌟 ஒளி ஓர் ஊடகத்திலிருந்து மற்றோர் ஊடகத்திற்குச் செல்லும் போது தன் நேர்கோட்டுப்பாதையை விட்டு விலகிச் செல்லும் நிகழ்வு 'ஒளிவிலகல்" எனப்படும்.

1. ஒளிக்கதிர் அடர்குறை ஊடகத்திலிருந்து அடர்மிகு ஊடகத்தினுள் செல்லும் போது செங்குத்துக் கோட்டை நோக்கி விலகிச் செல்லும்.

எ.கா. காற்றிலிருந்து கண்ணாடிக்குச் செல்லும்போது

2. ஒளிக்கதிர் அடர்மிகு ஊடகத்திலிருந்து அடர்குறை ஊடகத்தினுள் செல்லும் போது செங்குத்துக் கோட்டை விட்டு விலகிச் செல்லும்.

எ.கா. கண்ணாடியிலிருந்து காற்றுக்குச் செல்லும்போது

முழு அக எதிரொளிப்பு

🌟 படுகோணம் அதிகரிக்கப்பட்டால் விலகு கோணமும் அதிகரிக்கும். ஒரு குறிப்பிட்ட படுகோணத்தில் விலகுகோணத்தின் மதிப்பு 900 ஆக இருக்கும். தற்போது விலகுகதிர் பிரிதளத்தின் வழியாகச் செல்லும் இந்தப் படுகோணம் மாறுநிலைக்கோணம் (C) எனப்படும்.

🌟 படுகோணம் மேலும் அதிகரிக்கப்பட்டால், ஒளிக்கதிர் விலகல் அடையாமல் முழுவதுமாக எதிரொளிக்கப்பட்டு அதே அடர்மிகு ஊடகத்திலேயே திருப்பப்படும். இவ்வாறு படுகோணத்தின் மதிப்பு மாறுநிலைக் கோணத்தைவிட அதிகமானால் ஒளியானது அதே அடர்மிகு ஊடகத்தினுள் முழுவதுமாக எதிரொளிக்கும் நிகழ்ச்சி முழுஅக எதிரொளிப்பு எனப்படும்.

வெவ்வேறு ஊடகங்களில் ஒளியின் திசைவேகம்

ஒளியின் திசைவேகம் வெற்றிடத்தில் பெருமமாகவும் வெவ்வேறு ஊடகங்களில் வெவ்வேறாகவும் உள்ளது.

^ என்றால் அடுக்கு என்று பொருள்


தண்ணீர் 2.25 * 10^8  ஒளிவிலகள் எண் 1.33

கண்ணாடி 2*10^8 ஒளிவிலகள் எண்  1.5

வைரம்  1.25*10^8 ஒளிவிலகள் எண்  2.41
காற்று  3*10^8 ஒளிவிலகள் எண்   1.00